بلوچ کوم گون تپاکی ءُ اتحاد ءَ گلامی ءُ ایردستی ءِ سانکلان پرشت کنت !

ایران ءِ زورارنسر ءُ ریزیته پگرین شیعی ـ شونیستی واکدار په بلوچ کوم ءِ بربادی ءُ بلوچ

 گلزمین ءِ لٹ ءُ پل ءَ هر رپک ءُ پندل ءُ سیاستان کارمرز کنت. آ وتی بلوچ دژمنی ءِ
سیاست ءُ کارکردان دیرانت چه حد ءَ گوازینتگ. 

ایران ءِ رسترین واکداران چه نالائکین رضا میرپنچ ءِ دور ءَ بگر تان مروچی ما را هچبر ایرانی

 نزانتگ ءُ مئی کوم ءِ گاری ءُ گمساری ءَ هر کارے کتگ.

 آهان مئی  بن پیرکی وطنءَ هشتاد سال گیش انت که پلگ ءُ ورگ انت.  بلوچ کوم که اے زالم ءُ رسترانی دیما اشتاتگ بے حساب ءَ کربانی داتگ ءُ مئی شهیدانی کاروان سک
دراج انت. اے رسترین شونیست بے حساب بلوچ کشتگ ءُ انگت هم ما را کشگ انت تان که

 مئی گلزمین ءَ مئی پاکین بلوچستان ءَ گیشتر وتی پلیتین پنجگانی چیرا به دار انت.
اے باروا مئی بلوچ دپترزانت( تاریخ دان) گیشتر پٹ ءُ پول کنگی انت آهان مزنین کارے ءُ ذمه اے سرا انت۔ 
هرچنت که اے  باروا چیزے گرانقدرین کتاب ءُ نبشتانک هست انت بلے مئی پردرد ءُ جگرسندین گلامی تاریخ مان ایران ءَ هنگت ءَ سر جم کنگ نه بوتگ.  

   بلوچ کوم ءِ ذمه وارین پسگ ءُ جنکان په اے گلامی تاریخ ءِ بدل کنگ ءَ شپ ءُ روچ جهد ءُ 

کوشست  کنگ انت. بلوچ کوم چه وتی زند ءُ هستی ءَ دفاع کنگ انت ءُ  پاکین پروردگارءَ
شکر انت که ما هنگت ءَ کومے ءِ حساب ءَ زندگین

هر بلوچـے ءِ کامیابـی مان هر نیکین ءُ کومی کارے یک پروشـے په ایران ءِ شومپالین ءُ
جاهلین شونیستان انت. بلوچ کوم ءِ سیاسی ءُ اجتماعی ءُ سلهبندین جهد ایران ءِ شیعی ـشونیستی پلیتین واکدارانی  هلاپ ءَ  مدام جاری بوتگ.  
هرچنت که مان اے  ِپِڑان سکیءُ مشکلان بے حساب بوتگ انت بلے بلوچانی جد ءُ جهد مان ایران ءَ  دیما شتگ 
 اگان هنونین دور ءِ میان استمانی جاوران ءُ ایران ءِ حالتان دلگوش گور کنین ء گڑا پدّر بیت که  مئی بزگین کوم  په آجویی ءُ استقلال ءَ سک نزیک انت.

البت ما را  وتی کومی جد ءُ جهدانی تاریخءِ تجربه یان کارمرز کنگی انت ءُ دلجم ءُ  دل ایکیم بئین که بید ما وت، هچ کس ما را آزات کت نه کنت. 
بلوچ جهدکاران ءُ سیاسی ءُ سلهبندین هوربندانی باسک ءُ سروکان هنونین جاوران شر  چار ءُ بیچار کنگ لوٹیت.

 درستین بلوچی هوربند وتی حزبی ءُ سازمانی تنگ نظریان  په بلوچ کوم ءِ آجویی ءِ هاترا ندر به کننت. 

 په بلوچستان ءُ بلوچ کوم ءِ هاترا وتی بے پائدگین یک ءُ دوروچی  تاکتیکان بل انت ءُ کمے دورتر
بچار انت. 

 بلوچ مچی ءُ هوربندان چه کسان ءُ چه مزن، چه سیاسی چه سلهبند هر چه زوت تر هور به بنت

 گِهترانت ءُ په بلوچستان ءِ کومی جد ءُ جهد ءِ زورمند تر کنگ ءِ هاتر ءَ یک مسترین هوربندے شر به کننت.
هنچین هوربندے که په بلوچستان ءِ آزاتی ءُ پورئین وت واجهی  ءَ جد ءُ جهد بکنت.     

 اگان بلوچی  هوربند ء  ُ مچی  که ذمه وار انت،   ایران ءُ دگنیا ءِ مروچیگین جاوران شری سرا  بچا رنت ءُ گون تپاکی چه اے کم درورین حالات پائده بزور انت

 گڑا مئی کوم  گلامی ءِ ریزتگین سانکلان همے زوتــان سست کنت ءُ آزات بیت. 

محمد کریم بلوچ